Шушаш тунемме ий гыч финанс грамотностьым туныктымаш обязательныйыш савырна

           Шушаш тунемме ий гыч школысо кугурак класслаште финанс грамотностьым туныктымаш обязательныйыш савырна. Тудо 10-шо 11-ше класслаште «Обществознаний» предмет радамыш пура. Кугурак класслаште тунемше- влак финанс рынок нерген, Россий Банкын задачыже дене функцийже, финанс технологий, инфляцийын амалже ден куш шуктымыжо нерген шинчымашым налыт. Курсышко тыгак шке финанс, ондалкалыше- влак деч аралалтмаш, бюджетым виктарымаш да налог нерген тема- влак пурат. Туныктымо программе- влак у стандартын йодмашыжлан шушаш ийын икымше сентябрьлан келыштарыме лийшаш улыт.
            Фото: Туныктыш министерстве.