Йошкар-Олаште йӱлышӧ пӧрт гыч еҥ- влакым эвакуироватленыт

            Йошкар-Олаште йӱлышӧ пӧрт гыч еҥ- влакым эвакуироватленыт. 28-ше сентябрь йӱдым Клара Цеткин уремысе барак шотан кок пачашан пӧрт йӱлаш тӱҥалын. Тиде жапыште еҥ- влак маленыт. Нуно шижын, пожарный- влакым ӱжмешкышт, тул пӧрт леведышым да тошкалтыш клеткым авалтен, 100 квадрат метр наре кумдыкыш шарлен. Лӱдыкшӧ кугеммылан кӧра ешартыш вийым ӱжыктымӧ. Тошкалтыш площадке йӱлымылан кӧра, еҥ- влаклан лекташ корно петыралтын. Сандене окна гыч лектыныт. Латик еҥ шке утлен, вич еҥлан полшаш верештын. Нуным вашке полыш машина дене наҥгаеныт. Южыжо когарген, южыжо шикшым шуко шӱлен, южыжо пудыртымо окна янда дене пӱчкылтын. Пожарын амалжым специалист- влак рашемдат.
             Фото: Россий МЧС-ын Марий Элысе виктемже.