Марий Элым вуйлатыше Таджикистан Республикын Уфа олаште Генеральный консулжо Темур Рахимов дене вашлийын

                Марий Элым вуйлатыше Таджикистан Республикын Уфа олаште Генеральный консулжо Темур Рахимов дене вашлийын. Нуно ончыкыжым пырля пашам ыштыме да вашкылын у корныжо- влакым каҥашеныт. Юрий Зайцев палемден: Марий кундемын туризмлан кугу куатше уло. Республикын правительствыже кок республике коклаште кужу жаплан вашкылым ышташ ямде. Юрий Зайцев ден Темур Рахимов ужалкалыме да экономик, инвестиций, паша миграций, калык кокласе кыл шотышто кӱлешан увер дене ваш палдареныт, ончыкыжым могай вашкыл лийын кертме, туныктымо да шанче, тӱвыра, тазалыкаралтыш да туризм дене кылдалтше йодыш- влакым онченыт. Марий Эл ден Таджикистан коклаште кодшо ийын внешне- торговый оборот вич миллионат 700 тӱжем доллар лийын, але тӱшка кугыт деч 1,2 процент. Таджикистан гыч Юлтехыште 224 еҥ, марий университетыште 506 студент тунемыт.
             Фото: Марий Элым вуйлатышын организаций да аналитик виктемже.