Марий Элысе вӱдышко 70 тӱжем утла вуй тыгыде колым колтымо

Республикысе пӱртӱс поянлык, экологий да йырым йырысе средам аралыме шотышто министерстве увертара. Росрыболовство виктемын Вӱдысо биологий поянлыкым аралыме да тергыме пӧлкан да «Главрыбвод» филиалын пӧлкаж дене пырля «Толмань» кол озанлык гыч лу тӱжемат пеле вуй тыгыде сазан колым Нижнекамскысе вӱдаралтышышке колташ оптен колтымо. Кажне колжо 150 грамм наре нелытан. Тений республикысе вӱдыштӧ колым ешараш манын, 68 тӱжем утла сазаным да кок тӱжемат 600 утла вуй (сӱгӧ) стерлядь тыгыде колым вӱдыш колтымо. Тыгай пашам шушаш ийынат умбакыже шуйымо лиеш.