Козьмодемьянск олаште муниципалитетым у еҥ вуйлата
Козьмодемьянск олаште муниципалитетым вуйлатыше у еҥым сайленыт. Теҥгече оласе депутат- влак погынымашын икымше сессийыштыже муниципал образованийым вуйлатыше, Козьмодемьянск оласе депутат- влак погынымашын председательжым ойырымо. Тиде должностьым Козьмодемьянск олаштак шочшо Игорь Волковлан ӱшаныме. Тудо эн ончыч ыштышаш паша семын «Моногорода.РФ» да «Изи ола да историй шотан илем- влакым вияҥдымаш» федерал программышке чолган ушнымым шотла. Тыгак оласе калыклан «Йӧнан кумдык» программым шыҥдараш полшаш, тоштемше лифт озанлык дене кылдалтше йодышым виктарен колташ сӧра. Тыгак верысе инициативе проектым умбакыже шыҥдараш тӱналеш. Тудо 2009-ше ий гыч оласе депутат улеш. Бюджет кыл да муниципал пого комиссийым, вӱдышӧ партийын депутат- влак группыжым вуйлатен.