Чарыме верлаште йӱштылмылан штрафым тӱлыктат

Республикыштына палемдыдыме верлаште йӱштылмылан кок тӱжем теҥге марте штрафым тӱлыктен кертыт. Кызыт «Вӱдыштӧ лӱдыкшыдымылык месячник» тӱҥалын. Шокшо игечылан да каныме жаплан кӧра, чарымашым шотыш налде, шуко еҥ вӱд воктеке вашка. Но южгунам тыгай каныш азап дене мучашлалтеш. 14-ше июль марте республикыштына 23 еҥ вӱдыш пурен каен. Тушечын 15-ше- кеҥеж тылзылаште гына. Тӱҥ амалже- эн тыглай правил- влакым эскерыдымаш. Тиде ситыдымашым кораҥдаш манын, граждан оборона да калыкым аралыше комитет, район администраций да моло кучем орган- влак 6-шо июль гыч 7-ше август марте вӱдыштӧ лӱдыкшыдымылыкым ыштыме шотышто мероприятий- влакым эртарат. Нуно йӱштылмӧ тургымын жапше, йӱштылаш лийме да лийдыме вер, чарымаш, лӱдыкшыдымылыкым эскерымаш нерген калыклан умылтарыме пашам шуктат. Профилактике паша чыла муниципал образованийыштат эртаралтеш. Граждан оборона да калыкым аралыше комитет ушаштара: чарыме, посна палым шогалтыме верлаште йӱштылмылан тӱжемат пеле гыч кок тӱжем теҥге марте штрафым тӱлыктат.