Республикыштына эше ик гидроузелым олмыктымо
Республикыштына эше ик гидроузелым олмыктымо. Марий Турек район Марий Озармаш ял воктенысе эҥерыште гидроузелым капитально олмыктен пытарыме. Пашам «Республикысе вӱдозанлык комплексым вияҥдымаш» республикысе целевой программе кышкарыште шуктымо. Тений эше республикысе кум гидротехнический сооруженийым олмыктен шукташ палемдыме. Российыште экологий шот дене ик эн ару кундемлан шотлалтше Марий Элыште 600 эҥер йоген эрта, кок тӱжемат пеле гектарым айлыше 700 наре ер уло. Тыштак Чебоксар да Куйбышев вӱдаралтыш- влак верланеныт, Юл эҥер йоген эрта, тушко шола вел гыч Вӱтла, Кугу Какшан да Изи Какшан эҥер- влак йоген пурат. Сандене ойыртемалтше пӱртӱсым, поснак вӱд поянлыкым арален кодымаш, республикылан моткоч кӱлешан йодыш улыт.