Визымйарыште чапле у йоча сад ямде
Республикыштына эше ик йоча сад шке омсажым почаш ямдылалтеш. Килемар районысо Визымйар посёлкышто 50 верлан йоча тӧнеж сентябрь тӱҥалтышыштак изи озаже- влакым вашлиеш. Садым школ деке ешарен чоҥымо семын нӧлтымӧ. Пашан тӱшка акше 50 миллион теҥгеш шуын. Йоча- влакын толмылан тыште чыла ямде: музыкальный зал ден столовый волгалт шинчат, группылаште кочмо ӱстел ден кровать –влакым вераҥдыме, йоча площадкат шке жапшым вуча. Объектым сдатлыме деч ончыч Марий Элым вуйлатыше Александр Евстифеев чыла пӧлемым ончен лектын, школым вуйлатыше да чоҥышо организацийым вуйлатыше дене мутланен. Икмыняр замечанийым каласымек, пашам, тӱҥ шотышто, сайлан шотлен да йоча садым почмаш районланат, республикыланат куан, - манын. «Демографий» калыкле проект кышкарыште кодшо ийын республикысе йоча садлаште тӱжемат 165 ешартыш верым ыштыме. Тений эше ныл йоча тӧнеж почылтшаш. Тушто тӱжемат 10 вер ешаралтеш.