Коронавируслан кӧра эше ик еҥ ӱмыр лугыч лийын
Коронавирус иктымат ок чамане. Эртыше суткаште тудо эше 27 еҥлан пижын, ик еҥ ӱмыр лугыч лийын. Тыге, черланыше- влакын чотышт кум тӱжемат 380 еҥыш шуын, 30 еҥ илыш дене чеверласен. Тымарте кок тӱжемат 925 еҥ эмлалт лектын. Россий мучко черланыше- влакын чотышт 746 тӱжем еҥым эртен. Ик суткаште 6 тӱжемат 422 еҥ черланен. 10 тӱжемат 400 утла еҥ эмлалт лектын, 156 еҥ колен.