Волжский районышто эше ик корно ужаш лӱдыкшыдымырак лиеш

          Волжский районышто эше ик корно ужаш лӱдыкшыдымырак лиеш. Республикым вуйлатышын пашажым шуктышо Юрий Зайцев паша дене Волжский районыш миен. Эн ончыч тудо капитально олмыкталтше «Йошкар-Ола – Зеленодольск» федерал корным ончен лектын. Кичиер посёлко воктене олмыктымо корнын кужытшо 8 меҥгыш шуэш. Контракт почеш тудын акше 844 миллион теҥге. Корнын куд меҥгыштыже асфальтым шарыме. Капитально олмыктымо паша графикым ончылтен шукталтеш да октябрьлан мучашлыме лиеш. Транспорт министр Александр Герасименко умылтарен: аварийым шагалемдаш манын, корным кумдаҥдыме да ныл полосаныш савырыме. Подряд организацийын мутшо почеш, корно деч посна тушто йолешке вончемыште да транспорт чарналтышыште тул волгыдым пуртат. Юрий Зайцев палемден: трассыште машина шуко коштеш. Сандене паша темпым иземдыман огыл.
             Фото: Марий Элым вуйлатышын организаций да аналитик виктемже.