Теҥгече Марий парламентын сессийже пашам ыштен

            Теҥгече Марий Элым вуйлатышын пашажым шуктышо Марий Эл Кугыжаныш Погынын 29-ше сессийыштыже пашам ыштен. Сессийыште каҥашыме ик тӱҥ йодышыжо тенийлан да ончыкылык кок ийлан республикын бюджетышкыже вашталтышым пуртымаш. Депутат- влак законопроектым поддержатленыт. Вашталтыш- влак муниципал образований- влаклан финанс полыш семын ешартыш оксам ойыраш виктаралтыт. Шийвундо социал тӧнеж, гидротехник сооружений- влакым олмыкташ да моло кӱлешлыклан колталтеш. Тиддеч посна республикым социал-экономик велым вияҥдыме программым шыҥдараш палемдыме шийвундо ешаралтын. Ресубликым вуйлатышын пашажым шуктышо законопроектым поддержатлымылан депутат- влаклан тауштен да ешарен: кучем орган- влак ончылно икгай задаче шога. Сандене ваш пайдале кылым кучыман да бюджетын социал корныжым арален кодыман.
             Фото: Марий Элым вуйлатышын организаций да аналитик виктемже.