Уремысе кинон фестивальже лиеш

            Республикыштына уремысе кинон фестивальже лиеш. Тудо элна мучко 10-шо июньышто тӱналеш, Марий Элнат тушко ушна. Йошкар-Оласе да районласе тӱрлӧ площадкыште Российыште ыштыме фильм- влакым ончыктат. Программышке 120-130 минут кужытан 10 фильм пура. Марий Элыште икымше гана тиде мероприятийыш автоклуб- влакымат ушат. Старт Медведево районысо Кузнецово тӱвыра рӱдерыште тӱҥалеш. Вес кечынже эстафетым Параньга рйонысо Кугу Пумарий тӱвыра пӧрт авалта. 12-шо июньышто Советский посёлкышто кином ончаш погынат. У Торъял районышто 18 площадкым, Моркышто 12-ым ямдылыме. Марий Турек районышто 8 ялыште кином ончат, Волжский районышто 8, Медведево ден Курык марийыште 5, Куженер- 4, Параньга, Шернур, Звенигово, Юрино кундемалаште кумыт гыч, Килемар, Советский, Оршанке районлаште ик площадке гыч ямдылыме. Йошкар-Олаште тӱвыра да каныш паркыште кином 6-шо агустышто ончыктат.