Йошкар-Оласе 29-ше школышто «Кванториум» технопаркым почыт

           Йошкар-Оласе 29-ше школышто «Кванториум» технопаркым почыт. Тыге лишыл жапыште тунемше- влакын йоча технопаркыште шуаралташ йӧнышт лиеш. У верым кӱкшӧ технологиян оборудований дене пойдарат. Тудым школын ончычсо столяр мастерскойжо олмышто ыштат. Тушто кызыт олмыктымо паша кая. Тиде сомыл икымше июльлан мучашлалтшаш. Кванториумыш школ гычат, посна омса гочат пураш лиеш. Оборудованийын ужашыжым кондымо, вес тӱшка толшаш. Тыгай площадкылаште талукышто 600 йочалан тунемаш йӧн лиеш. Моло школ гычат кумылан- влак миен кертыт. Технопаркым ышташ 26 миллион теҥгем ойырымо. Тушто ныл корно дене шинчымашым да моштымашым шуараш лиеш: биокванториум, робокванториум, АйТи-кванториум да «хай-тек».
       Фото: Сӱретым Александр Кузнецов пуэн. «Йошкар-Ола» газет.