Икымше июнь гыч пенсий да эн изи пашадарын кугытшо вашталтыт
Российыште икымше июнь гыч эн изи пашадарын кугытшо да илен лекташ ситыште эн изи оксан кугытышт вашталтеш. Нуным лу процентлан кугемдыме нерген Российын Президентше Владимир Путин увертарен. Тыге, тылзаш эн изи пашадарын кугытшо 15 тӱжемат 278 теҥге марте, илен лекташ ситыше эн изи шийвундын кугытшо элна мучко кокла шот дене 12 тӱжемат 919 теҥге марте кушшаш. Тиддеч посна Владимир Путин пашам ыштыдыме пенсионер- влакын пенсийыштымат лу процентлан индексироватлаш темлен. Тидыже пашам ыштыдыме 35 миллион пенсионерын парышыжым кокла шот дене тӱжемат 760 теҥгелан кугемдаш полша да тудын кокла кугытшо 19 тӱжемат 360 теҥгеш шуэш.