Марий телевиденийнан тематике редакцийже у проектым ончаш темла

            Марий телевиденийнан тематике редакцийже у проектым ончаш темла. Эфирыштына тылзылан ик гана «Тул Вий» передаче лекташ туналеш. Тудо тыглай школышто тунемше, сымыктыш тӧнежыште мастарлыкым вияндыше але йоча садыш гына коштшо талантан йоча-влак дене палдара. Кажне эфирыште нунын клипыштым ончен кертыда. Палемдыман, тиде передаче конкурс сынан. Сандене передачын эфирыш лекмыже деч вара, ик арня жапыште, келшыше йочалан шке йӱкдам пуэн кертыда. Сеҥыше-влакын лӱмышт идалык мучашыште пале лиеш. Йӱклымаш «Вконтакте» социал вотышто «Марий Эл» телерадиокомпанийын лаштыкыштыже эрташ тӱҥалеш. У проектын икымше передачыжым шочмын, 30-шо майыште, 9 шагатат пелылан ончыза да интернетыште йӱклыза. Ялыштыда, школыштыда, палымыда-влак коклаште талантан йоча уло гын, телевиденийыш йыҥгыртыза. Телефонжо -23-26-47. Адресше Машиностроитель урем, 7-ше «а» пӧрт. Передачым Мария Ильина ямдыла да шкеак вӱда.