У магистральыште идалык мучашлан кӱварым ыштен шуктат

                   Йошкар-Олаште у магистральым чоҥымаште идалык мучаш марте Изи Какшан эҥер гоч кӱварым ыштен шуктат. Теҥгече Марий Элым вуйлатыше Александр Евстифеев Киров ден Строитель уремлам ушен шогышо корным чоҥымо пашам шке терген лектын. «Марийскавтодорын» генеральный директоржо Евгений Козырев увертарен: Ленин проспект деч чоҥышаш кӱвар марте корно полотном пеҥгыдемдыме, асфальтым шарыме, инженер сеть- влак уэш ышталтыт. Лишыл жапыште кӱварын ужашыже- влакым ушкалаш тӱҥалыт.  «Мостремстрой» идалык мучаш марте кӱвар ужаш- влакым монтироватлен шукташ сӧрен. Иканаштак гараж- влак кораҥдалтыт. Мэрын мутшо почеш, гараж оза- влак дене кутырен келшыме, 118-ыжым кораҥдыме. Сентябрьыште тӱҥ ужашыже кораҥдалтеш, 9-ыже шотышто гына проблеме кодеш. Республикым вуйлатыше ваш умылен, решенийым муаш кӱлеш манын. Проектын икымше ужашыжым шыҥдараш кок миллиардат 300 миллион теҥге колталтеш. Чыла паша «Качестван лӱдыкшыдымӧ корно» калыкле проект кышкарыште ышталтеш.