Шушаш ийын республикыштына 84 кумдыкым тӱзландарышаш улыт
Шушаш ийын республикыштына 84 кумдыкым тӱзландарышаш улыт. Марий Элым вуйлатыше Александр Евстифеев Россий правительстве председательын алмаштышыже Марат Хуснуллинын регионлам вуйлатыше- влак дене эртарыме совещанийыште участвоватлен. Тушто илыме вер да коммунал озанлык йодышым, шыже- теле жапым эртыме да «Оласе йӧнан илыме кумдыкым ыштымаш», «Ару вӱд» да «Юл эҥерым тазаҥдымаш» федерал проект-валкым шыҥдарыме йодыш- влакым каҥашыме. Марат Хуснуллин тыгак шуко шочшан еш- влаклан ипотеке кредитым петыраш 450 тӱжем теҥге марте оксам пуымо шотышто льгот программыште вашталтыш дене падларен. Ондак еш- влак оксам кредитым петыраш, ямде илыме верым налаш да оксам пыштен чоҥымо пачерым налаш кучылт кертыныт гын, ынде ипотекым петыраш, посна пӧртым чоҥаш да ЖСК-шке пай оксам тӱлашат кучылташ лиеш.- калалсен Марат Хуснуллин. «Оласе йӧнан кумдыкым ыштымаш» проект кышкарыште тений республикыште 98 кумдыкым тӱзландарыме. Шушаш ийлан 84 кумдыкым палемдыме, 83-шо дене контрактым ыштыме. Тыгак конкурслаште сеҥыше проект- влак илышыш шыҥдаралтыт. Шыже- теле жапым кузе эртарыме шотышто ойлымо годым палемдыме: чыла коммунал инфраструктура объект- влакым жапыштыже ямдылыме. Олтымо тургым штат режим дене эрта.
