Россий президентын полпредшын алмаштышыже Игорь Буренков совещанийым эртарен

                 Россий президентын Юл кундем округышто полномочный представительжын алмаштышыже Игорь Буренков видеоконференцкыл йӧн дене Марий Эл ден Ульяновск областысе правительствын кӧргӧ политике да увер блокыштым вуйлатышышт да  тӱҥ федерал инспекторышт  дене регионлам мер-политик вияҥдыме йодышым каҥашен. Калыкле проект- влакым шыҥдарыме паша кузе кайыме, экологийым саемдымаш, шӱк-куштырам чумырымо вер- влакым пытарыме, чодырам аралыме нерген калыкым палдарен шогымо сомылым вияҥден колтымо нерген радамлен каҥашыме. Тыгак регионлам виктарыме рӱдер- влакын икымше пашаштым каҥашымаш эртен, коронавирус инфекций шарлыме ваштареш кучем органын мом ыштымже нерген ойлымо.