Шушаш ийын республикысе ик эн тошто школым капитально олмыктат

            Шушаш ийын республикысе ик эн тошто школым капитально олмыктат. Тенийсе идалык Советский районысо южо предметым келгын тунемме кыдалаш калыкле Ӱшнур школлан ойыртемалтше- 150 ий темеш. Юрий Зайцев тиде школыш 9-ше да 11-ше класслам тунем пытарыше- влакым саламлаш да коллектив дене палыме лияш миен. Тудо зданийым ончен лектын, директор Валерий Галкин дене мутланен. Директорын мутшо почеш пытартыш вич ийыште гына школым лу наре тунемше шӧртньӧ медаль дене тунем пытарен. Туныктыш министр Лариса Ревуцкая увертарен: шушаш ийын федерал программе почеш школым  олмыкташ палемдыме. Тиде пашалан 70 наре миллион колталтшаш. Кызыт школ кундемым тӱландараш тӱналме. Саварым вашталташ ик миллионат пеле теҥгем ойырымо. Актовый залыште Юрий Зайцев выпускник- влаклан аттестатым кучыктен да школым тунем пытарыме дене сламлен. Вес ийын уэмдаш палемдыме школышто поро йӱлам арален кодаш, тыгак куанлын пайрем- влакым палемдаш, тенийсе выпускник- влак семынак ушаш-шотан айдеме- влакын ончен-кушташ тыланен.
             Фото: Марий Элым вуйлатышын организаций да аналитик виктемже.