Шкенан медицина институтна лиеш

                      Марий Кугыжаныш университет негызеш медицина институтым ышташ шонат. Тидын нерген вузын учёный советшын заседанийыштыже пале лийын. Рашемын: кызыт медицина факультетын студентше- шамычын чотшо Педагогика институт деч гына шагалрак. Статистике почеш идалык еда тунемаш кумылан- влак ешаралт толыт. Тидын годымак медицина факультетыште туныктымо качестват пеҥгыдемдалт шога. Тудын икымше выпускникше- влак медицина тӧнежлаште устан пашам ыштат. Мутат уке, ончыкылык институт медицина факультет статус гыч кушкын. Тудо шым ий ончыч шке пашажым тӱналын. Тунам «Лечебное дело» пӧлка почылтын. Кызыт тушто Российын 56 кундемже гыч да тӱнясе 30 эл гыч кок тӱжем утла студент шинчымашым налеш. Икмыняр жап ончыч факультет негызеш аккредитаций да симуляционно туныктымо рӱдер почылтын ыле. Тушто студент да опытан врач- влакат шке квалификацийыштым пеҥгыдемден кертыт.