Алиментым тӱлыдымылан четлык коклаш петыралтын

                  Алиментым тӱлыдымӧ еҥым четлык коклаш петыреныт. Морко район суд райрӱдыштӧ илыше 35 ияш пӧръеҥ шотышто уголовный паша почеш приговорым луктын. Тудым ийготыш шудымо йочаже- влаклан алиментым тӱлыдымлан титаканлан шотлымо. Республикысе прокуратурын пресс-службыжын увертарымыж почеш, тудо таза да пашам ыштен кертше улеш гынат, 9 тылзе 2004-ше ийыште шочшо икшывыжлан алиментым ок тӱлӧ. Тыгаяк пашалан тудо ондакат ик гана веле огыл административно да уголовно мут кучаш шогалтыме улмаш. Суд тудым 6 тылзылан эрык деч посна кодаш да тӱшка режиман исправительный колонийыш колташ пунчалын.
Фото: kurskcity.ru