Марий Эл гыч спортсмен- влак призовой верлаш логалыныт

                      Марий Эл гыч спортсмен- влак Сеулышто 1988-ше ийысе Олимпиадын чемпионжо деч наградым сеҥен налыныт. Ульяновскышто куштылго атлетике дене рвезе да ӱдыр- влак коклаште Олимпий чемпион Владимир Крыловын призше верч йӱлаш савырныше областной турнирыште марий спортсмен- влак двоеборьеште призовой вер-влакым сеҥен налыныт. 60 метрыш чарак гоч куржмаште да 200 метрыш таҥасымаште куштылго атлетике дене олимпий резерв спорт школын спортсменже Станислав Коршунов кокымшо лектышым ончыктен, Евгений Петухов кумшо лийын. 60 метрыш куржмаште да кӱкшытыш тӧрштымаште Станислав Козлов нылымше верыш лектын, а Сергей Ожиганов 60 да 400 метрыш куржмаште шымше верым айлен. Нуно чыланат Наталья Короткова дене ямдылалтыт.
Фото: Алексей Гребнев пуэн