Сергей Мартынов Шернур районыш миен

                    Марий Эл деч Федераций Советыште сенатор Сергей Мартынов регионышто пашам ыштыме кышкарыште  Шернур районыш миен. Тушто тудо районысо погынымашын сессийыштыже  кодшо ийын районым вияҥдыме иктешлымашым ыштыме лийын. Парламентарийын мутшо почеш, пандемий дене кылдалтше неле ситуацийым ончыде, Шернур район ятыр корно дене кушмашым арален коден. Мутлан, кокла пашадар лу процентлан кушкын, пашадымылыкын чотшо ӱлыш, 1,4 процент тураште аралалтеш.  Районлан тӱҥ шотышто виян предприятий-Шернур сырзавод полшен. Тудо тӱҥ капталыш 152 миллион теҥге инвестицийым пыштен. Тыгак республике дене федераций шагал огыл полшеныт. Вич миллионым школ оборудованийым налаш пуымо, 43 миллион теҥгелан медицина оборудованийым налме. Куд самырык врач «Земский доктор» программе почеш толын. Паша дене мийыме жапыште Сергей Мартынов ден Кугыжаныш Погынын депутатше Владимир Кожанов калыклан приёмым эртареныт. 
Фото: http://council.gov.ru/