Шушаш ийын Йошкар-Олаште 19 кумдык гыч кудыжым олмыкташ тӱҥалыт?

               Йошкар-Олаште шушаш ийын олмыкташ 19 тӱшка кумдык кучедалаш тӱҥалеш. «Оласе йӧнан  кумдыкым ыштымаш» программе почеш мер комиссийын заседанийже лийын. Тушто калык деч пурышо темлымаш- влакым ончен лекме. Тӱшка каҥашымаш 20-шо январь гыч 18-ше февраль марте эртыш. Пурышо темлымаш- влак негызеш 37 кумдык гыч шогышо перечньым ыштыме. Чыла кумдыкшо шотыштат 100 деч шагал огыл йӱк пурен. Мер комиссийын еҥже- влак кажне темлымашыжым посна ончен лектыныт. Тыге 19 кумдыкым ушышо спискым ыштыме. Ынде нунын коклаште 26-шо апрель гыч 30-шо май марте Российысе тӱшка платформышто йӱклымаш эрта. Тушко 14 ийым темыше кажне еҥ ушнен кертеш. Спискыш пуртыдымо кумдык- влак шотышто 45-06-22 номеран телефон дене йыҥгыртен умылкалаш лиеш.