«Самырык профессионал- влак» моштымашыштым ончыктат

                   Икымше мартыште «Самырык профессионал- влак» регион кӱкшытан 9-ше виш чемпионат почылтеш. Тудо визымше март марте шуйна. А 10-шо гыч 12-шо март марте кугыеҥ- влалкан  «Навыки мудрых» таҥасымаш лиеш. Таҥасымаш- влак 12 площадкыште, профессионал туныктымо тӧнежлаште лийыт. Тушто 295 конкурсант ӱчаша, нунын пашаштым 300 эксперт акла. 16-22 ияш студент- влак 33 специальность дене таҥасат, 14 -16 ияш- влак куд компетенций дене шинчымашыштым ончыктат, а кугыеҥ- влак кум специальность дене моштымашышт дене ӱчашат. «Самырык профессионал- влак» чемпионат таче торжественно 10 шагатлан очный да дистанций формат дене почылтеш. Таҥасымаш- влак очно лийыт, но ончышо- влак огыт пурталт. Сеҥыше- влак регионысо сборныйыш чумыргат да финалыште тений июльышто Уфа олаште республикын чапшым аралат.