Семёновка селаште ий каток мунчалтыше- влакым вуча

                           Йошкар-Ола воктенысе Семёновка селаште теле спортым йӧратыше- влак катокышто  ийым терген онченыт. Кодшо ийын тудым 22-шо декабрьыште почмо ыле. Йошкар-Ола администрацийын увертарымыж почеш, Йошкар-Оласе Сеҥымаш Паркыштат каток ямдылалтеш. Мэр Евгений Маслов ноябрь мучашыште увертарен ыле: микрорайонлаште каток- влак лийын кертыт, но Ленин площадьыште ок лий. А Киров уремысе 9-ше пӧрт кудывечыште каток нерген ойлаш гын, тушто ончычсо хоккей площадкын саваржын лӱдыкшым лукшо кӱртньӧ тояже- влакым кораҥдат. Но окса ситыдымылан кӧра ийым кылмыкташ палемдыме огыл,- вашаштеныт мэрийыште. А верысе чолга еҥ- влакын мутышт почеш, ийым «Ола» МУП ден воктел пӧртлаште илыше- влак кылмыктат. Ола администраций да виктарыше компанийын полышыжо деч посна. Катокым шке эрыкташ тӱҥалына,- ойла мер калык.