Самырык ийше той медальым сеҥен налын
Икымше гыч 5-ше декабрь марте Саранскыште 17-18 ияш юниор- влак да 15-17 ияш юниорка- влак коклаште иймаш дене Российын первенствыже эртен. Марий Эл гыч олимпий резерв спорт школын тренерже- влак Андрей Тимченко ден Наталья Курицынан тунемшышт таҥасеныт. Йошкар-Ола гыч 16 ияш Константин Разумов 200 метрыш иймаште той медальым сеҥен налын. Ӱдыр- влак коклаште эн сай лектышым Кристина Маслова ончыктен. Тудо 200 метрыш иймаште 9-ше верыш лектын.
