Республикым вуйлатыше Марий Элым вияҥдыме индивидуал программым шыҥдарымым каҥашен
Республикым вуйлатыше Александр Евстифеев Марий Элым социал-экономик могырым вияҥдыме индивидуал программым шыҥдарыме тенийлан палемдыме мероприятий- влакым Правительствын еҥже- влак дене каҥашен. Тудо палемден: программын кажне пунктшым калыкле проект- влак дене пырля жапыштыже шуктымаш приоритет задаче семын лийшаш. Молан манаш гын, нуно калыкын пӱсын шогышо йодышыжо- влакым виктарен колташ да экономикым писын вияҥдаш полшат.
Промышленность министр Станислав Крыловын увертарымыж почеш, тенийлан палемдыме мероприятий- влакым мучашлыме манаш лиеш. Программын ик корныжлан инженер инфраструктурым да илыме вер ден коммунал озанлыкым уэмдымаш шотлалтеш. Советский посёлкышто, Звенигово ден Волжскышто вӱдым ситараш да канализаций станций- влакым пужен ышташ, Ураев ден Петров уремлам чоҥаш палемдыме.
Совещанийыште программын моло корныжымат каҥашыме. Республикым вуйлатыше кажне объект шотышто раш уверым ямдылаш да лийын кертше риск- влакым шотыш налаш кӱштен. Индивидуал программым 2024-ше ий марте шыҥдараш 12 миллиардат 300 миллион теҥгем кучылташ палемдыме. Программыш промышленный да ял озанлык продукцийым лукташ кумылаҥдымаш, транспорт инфраструктурым чоҥымаш пурат. Тидын шотышто тений Йошкар-Ола –Угарман корным федерал погыш пуымо, аэропортлан проект ышталтеш.
Промышленность министр Станислав Крыловын увертарымыж почеш, тенийлан палемдыме мероприятий- влакым мучашлыме манаш лиеш. Программын ик корныжлан инженер инфраструктурым да илыме вер ден коммунал озанлыкым уэмдымаш шотлалтеш. Советский посёлкышто, Звенигово ден Волжскышто вӱдым ситараш да канализаций станций- влакым пужен ышташ, Ураев ден Петров уремлам чоҥаш палемдыме.
Совещанийыште программын моло корныжымат каҥашыме. Республикым вуйлатыше кажне объект шотышто раш уверым ямдылаш да лийын кертше риск- влакым шотыш налаш кӱштен. Индивидуал программым 2024-ше ий марте шыҥдараш 12 миллиардат 300 миллион теҥгем кучылташ палемдыме. Программыш промышленный да ял озанлык продукцийым лукташ кумылаҥдымаш, транспорт инфраструктурым чоҥымаш пурат. Тидын шотышто тений Йошкар-Ола –Угарман корным федерал погыш пуымо, аэропортлан проект ышталтеш.
