Республикыштына спектакль- влакын «Кеҥеж тургым» фестивальышт почылтын
Республикыштына спектакль- влакын «Кеҥеж тургым» фестивальышт почылтын. Пандемий да чарыме мероприятийлан кӧра поро йӱлаш савырныше фестивальым почмашым кеҥеж мучашыш кусарыме ыле. Шуматкечын Килемар районысо Алёшкин ял воктенсе «Раздолье» турист комплексыште Эрик Сапаев лӱмеш опера да балет академический театр калык ончыко «Акпатыр» икымше марий оперым луктын. Фестивальын унаже семын Республикым вуйлатыше Александр Евстифеев лийын. Опера деч вара тудо артист- влак дене мутланен, ончышо- влак лӱм дене тауштен да ончыкылык сеҥымаш- влакым тыланен. «Акпатыр» 2020-шо ийысе Топ-200 событий- влак радамыш пура. Тыгак 19-ше ийысе событийный туризмын калыкле премийже дене палемдалтын. Идалык еда тудо ончышо- влакым Марий Эл гыч гына огыл, Угарман, Киров областьла да Чуваший ден Татарстан гычат чумыра.
