«Лидеры России- 2020-шо» конкурсын суперфиналыштыже Марий Элын чапшым Ирина Кугуелова аралаш тӱҥалеш
«Лидеры России- 2020-шо» конкурсын суперфиналыштыже Марий Элын чапшым Ирина Кугуелова аралаш тӱҥалеш. 6-шо да 7-ше сентябрьыште Моско воктелсе Солнечногорск олаште «Сенеж» виктемын Мастерской площадкыштыже «Российын Лидерже- влак- 2020-шо» конкурсын суперфиналже эрта. Регионласе полуфинал- влак деч вара тушко 270 участникым, специализацийын полуфиналже почеш кажныж гыч 10 еҥым ӱжыныт. Чылаже 300 конкурсант моштымашыжым ончыкта. Кок кече жапыште нуно вӱден кайыше ончылеҥ лийын моштымыштым, аклыме мероприятийыште шинчымашым ончыктышаш улыт. Тыге проектыште сеҥыше 100 еҥым ойырен налыт. Юл кундем округ гыч 33 еҥ таҥаса. Иктыже- Марий Эл гыч. Тиде Ирина Кугуелова. Тудо «Монета» кредит организацийыште тӱҥ бухгалтерлан пашам ышта.
