Козьмодемьянскысе йоча усталык пӧртыштӧ 216 вер почылтеш
Козьмодемьянскысе йоча усталык пӧртыштӧ 216 вер почылтеш. Калыкле проект- влакым шыҥдарымылан кӧра, республикыште ешартыш шинчымашым пуышо тӧнежлаште у вер- влак почылтыт. Йоча- влак тӱрлӧ кружок ден секцийлаш кошташ тӱҥалыт. Ончыч чыла кумылан- влаклан ешартыш шинчымашым налаш вер ок сите ыле гын, ынде Козьмодемьянскыште гына Йоча усталык Пӧртыштӧ 216 у верым почаш палемдыме. Тӧнежыште техник корнан кок у ушем почылтеш: «Робототехнике» да фото-видео-увер студий. Тиддеч посна сӱретлыме студий лиеш, «Шахмат» ушем йоча- влакым ешарен налеш. Чыла тиде пашалан самырык техник- влакын станцийышт у оборудованийым налын.
