Республикын регби командыже- влак сеҥымаш пьедесталыш кӱзеныт

                  Республикын регби командыже- влак сеҥымаш пьедесталыш кӱзеныт. Озаҥ олаште Регби-7 дене ӱдырамаш команде- влак коклаште Юл кундем федерал округын чемпионатше эртен. Турнирыште куд команде ӱчашен: Йошкар-Ола гыч «Красный город», Пермь гыч «Витязь», «Ульяновск гыч «Симбирск», Озаҥ гыч «Зилант», Тольятти гыч «Снаряд» да Ижевск гыч «Легион». Таҥасымашын лектышыже почеш «Красный город» почётан кумшо верым сеҥен налын. Эн сайын модшылан Ксения Лобановам шотлымо. Тиддеч ик кок 
кече ончыч Пенза олаште регби дене 16 ияш марте модшо- влаклан Юл кундем округын Первенствыже лийын. Марий Эл гыч «Красный город» командын рвезыже- влак миеныт. Нуно кокымшо верыш лектыныт. Ярослав Князев эн сайын модшо семын палемдалтын. Россий кӱкшытан таҥасымашын финал йыжыҥже Москошто 10-20-шо июньышто лиеш. «Красный город» тушко путёвкым налын.