Генеральный прокуратурылан йодышым пуаш лиеш

             Эрла республикысе калык шке йодышыжым генеральный прокуратурылан пуэн кертеш. Йодыш- влак оборонно-промышленный комплекс, исполнительный производство, алиментым тӱлымӧ, калыкле проект- влакым шыҥдарыме, амалкалче- влакын праваштым аралыме дене кылдалтше лийын кертыт. 21-ше апрельыште Российысе Генеральный прокуратурын комиссийже калыклан приёмым эртара. Тудо 14 гыч 16 шагат марте Марий Элысе прокуратурышто лиеш. Адресше: Кремль урем, 23-шо пӧрт. Тушко мияшлан ончылгоч 68-71-17 телефон дене возалташ кӱлеш. Пелен документым налман.