Волжск ола гыч кок рвезым кугу тӱшка дене наркотикым шаркалаш тӧчымылан титаклат

               Волжск ола гыч кок рвезым кугу тӱшка дене наркотикым шаркалаш тӧчымылан титаклат. Волжск оласе следствий пӧлка 16 да 17 ияш рвезе- влак шотышто титаклымашым луктын. Ведомствын пресс-службыжын увертарымыж почеш, нуно интернетыште наркотикым налыныт да апрель тӱҥалтышыште шылтык верым ыштымышт годым Волжский пӧлкан сотрудникше- влак кученыт. Тергыме годым пеленышт наркотикан 34 вӱдылтышым верештыныт, нуно 18 наре граммыш шуыныт, тиде кугу тӱшкалан шотлалтеш. Тиддеч посна куд шылтык верышт гыч наркотикым поген налме. Кызыт уголовный пашам шымлымаш умбакыже шуйна.