Кокымшо вертолёт площадкым чоҥат

                        Йошкар-Олаште кокымшо вертолёт площадкым чоҥаш тӱҥалме. «Тазалыкаралтыш» калыкле проект кышкарыште Республикысе клинический эмлыме вер кумдыкышто сортировочно-посадочный площадкым ыштыме, а Йошкар-Оласе эмлыме вер воктене специализированный вертолёт площадкым чоҥаш тӱҥалме. Республикыштына 2024-ше ий марте санитар авиацийым вияҥдыме стратегийым пеҥгыдемдыме. Кодшо ийын «Руш вертолёт системе- влак» ушем дене 15 миллион теҥгелан авиаций пашам ышташ контрактым пеҥгыдемдыме. Идалык мучко санитар авиаций 35 гана чоҥештен, оласе эмлыме верлаш 37 пациентым кондымо. Тений 39 гана чоҥешташ, весийлан 43, 23-шо ийыште 47, 24-ше ийыште 51 гана чоҥешташ палемдыме. Чыла райрӱдыштӧ вертолётым шындаш площадке уло. Нуно медицина организацийла деч вич минут коклаште улыт. Медицина полышым пуашлан санитар-авиаций эвакуаций годым авиамедицина бригаде- влак ыштышаш улыт. Ончыкыжым вашке полыш станцийын пашаеҥже- влакымат туныкташ палемдыме. Кызыт арендыш налме «Ансат» вертолёт Чуваший ден Марий Элым обслуживатла. Санитар авиацийын Калыкле службыж дене Марий Эллан посна вертолётым ойырымо нерген мутланымаш кая. Тидыже шукырак чоҥештылаш да черле- влакым федерал медицина рӱдерлашке наҥгаяш йӧным пуа.
Фото: https://www.marpravda.ru/