Компьютер многоборье дене илалше- влак ӱчашат

                 Марий Элысе пенсионер- влакым компьютер многоборье дене ӱчашымашке ушнаш ӱжыт. Ресубликысе социал вияҥмаш министерстве пенсионер-влак коклаште компьютер многоборье дене Россий кӱкшытан чемпионатым ямдыла. Таҥасымашын муниципал йыжыҥже 15-ше майыште, регионысо йыжыҥже 26-шо майыште лийшаш. А федерал финал йыжыҥже икымше июльышто дистанций формат дене эрта. Таҥасымашке 60 да кугурак ийготан пӧръеҥ, 55 да кугурак ийготан ӱдырамаш- влакым ӱжыт. Тыгай йодмашыже уло: компьютер участникын мӧҥгыштыжӧ але вес вере лийшаш, тушто видеокамера пашам ыштышаш. Тудын полшымо дене участникым пален шогат да таҥасымашым эскерат, «УВиндоус-10» але вес операционный системе, Яндекс, Гугл, Хром браузер- влак пашам ыштышаш улыт. Муниципал йыжыҥ кум номинаций дене эрта: смартфон дене пашам ыштымаш, Яндекс кычалше системыште пашам ыштымаш. Айдеме да космос, Увер лӱдыкшыдымылык дене заданий. Муниципал йыжыҥыш ушнашлан социал обслуживаний комплексный рудерыште умылкалыман.