Рвезе-влак вич кечаш сборышто лийыныт

                     Республикысе самырык- влак коклаште военный службылан вич кечаш ямдылалтмаш «Авангард» рӱдерыште эртен. Армий илышлан келыштарыме тунемме сборышто 69 участник лийын. Нуно тыгак Россий ДОСААФ-ын Марий Элысе пӧлкажын «Покорители неба» куснылшо выставкыжым онченыт. Самырык тукымым военно-патриот шӱлышеш шуарыме «Авангард» рӱдер кодшо ийын октябрьыште пашам ышташ тӱҥалын ыле. Тӱҥалтыш терген ончымо кум сборышто 150 тунемше учебный сборышто лийын.