Федерал трассе- влакым эрыктат

                    Республике гоч эртыше федерал трассе тӱр гыч 75 кубометр шӱк-куштырам погымо. Республикыштына федерал автокорно- влакым эрыктат. Сай игече толмо дене трассе- влакым шошо- кеҥеж жаплан ямдылат. Федерал корно пашаеҥ- влак корно тӱрым, ойырышо полосам, откосым эрыктат, знак-влакым, чарыше саварым, увер щитым, автобус чарныме верлам мушкын эрыктат. Кажне кечын эрыктымашке  12 корно пашазе ден вич технике лектеш. Ончыкыжым эше ограждений ден корно разметкым чиялташ тӱҥалыт,- увертара «Волго-Вятскуправтордор» виктем.
Фото: pg12.ru