Ошла эҥерысе пӱя пундашым эрыкташ ямдылалтыт

                  Республикыштына «Ойыртемалтше вӱд объект- влакым арален кодымаш» проект умбакыже шыҥдаралтеш. Тиде проект кышкарыште пӱртӱс поянлык министерстве 2021-ше 2022-шо ийлаште «Оршанке районысо Изи Кугунур ял воктене Ошла эҥерысе пӱян пундашыжым эрыктымаш» проектым илышыш шыҥдараш проект да смета документацийым ямдылаш палемден. Тиде вӱд объект республикыштына ик эн кугу вӱдаралтышлан шотлалтеш. Тудын дене Оршанке посёлкысо, Изи Кугунур ялысе, Марково ялысе калык пайдалана. Проектым шыҥдарымеке тудын воктене илыше калыкын  илыме йӧныштым саемдыше-влакын чотшо тӱжемат шӱдӧ еҥым эрта. Вӱд пундашым йошкын деч эрыктымаш тудым амыргыме деч аралаш полша да вӱд объект арулыкшым шке семын кучаш тӱҥалеш. Мартыште проектым ямдылыше дене кугыжаныш контрактым пеҥгыдемдыме. Кызыт пӱяште  инженер шымлыме паша кая. Эрыктыме пашаже 2023-шо 2024-ше ийыште шукталтшаш.
Фото: tp.tver.ru