Студент- влак волейбол дене таҥасат

                     Марий кугыжаныш университетыште студент команде- влак коклаште волейбол дене турнир лиеш. 16-шо гыч 18-ше апрель марте Марий университет студент  волейбол лигын 2020-шо 2021-ше тургымжым эртарыме площадкыш савырна. Ӱчашымаш республикысе университет да колледж- влакын  13 командышт коклаште эрта.  Таче Марий университетын «П» корпусшын икымше номеран спортзалыштыже 18 шагатлан турнирым торжественно почмаш тӱҥалын. Туддеч вара икымше модмаш- влак эртат.