Марий Элым вуйлатыше Российыште регионлам вияҥдыме шотышто Правительстве комиссийын пашаштыже участвоватлен

                     Марий Элым вуйлатыше Российыште регионлам вияҥдыме шотышто Правительстве комиссийын пашаштыже участвоватлен. Правительство комиссий президиумын заседанийжым видеоконференцкыл йӧн дене Правительстве председательын алмаштышыже Марат Хуснуллин эртарен. Тушто каҥашыме ик йодышыжо 2021-ше- 2023-шо ий- влаклан корно пашам шукташ субъект- влакын контрактым пеҥгыдемдыме пашашт дене кылдалтын. Республикыште «Лӱдыкшыдымӧ да сай качестван автомобиль корно- влак» калыкле проект кышкарыште 32 объектыште пашам шукташ палемдыме: 20 объектше регион кӱкшытан автомобиль корныла, 12 объектше Йошкар-Ола агломерацийыште, верысе кӱкшытан автомобиль корнылаште. 14-ше апрельлан шотлымаште тенийлан палемдыме окса дене 100 процент контрактым ыштен. Тушко ныл миллиардат 270 утла миллион теҥгеаш 32 объект пурен. Россий правительствын распоряженийже почеш ешарен 969 миллион теҥгем ойыраш лийме. Тушечын изирак ужашыже республикысе 24 меҥге корным, кугурак ужашыже оласе магистральым чоҥаш колталтеш. 2022-шо ийлан 37 объект гыч 30-лыжлан контрактым ыштыме. Тиде паша икымше октябрьлан мучашлалтшаш. 23-шо ийлан ик объект шотышто кутырен келшыме, нылыт шотышто документацийым ямдылыме паша мучашыш лишемеш. Контрактаций тений идалык мучашлан ямде лийшаш. Кодшо идалык мучашыште ыштыме ешартыш соглашений почеш, регионысо корным норматив марте 35 процентым огыл, а 45 процентым шуктыман.