Марий Эл деч сенатор Параньга районыш миен

                      Марий Эл деч сенатор Параньга районыш миен. Республикысе илышым пален шогаш манын, Сергей Мартынов регионысо арня кышкарыште Марий Элыш толын коштеш, пашаче коллективлаште лиеш, приёмым эртарыме годым калыкын йодышыжыо- влакым пален налеш. Черетан визитше кышкарыште Сергей Александрович депутат Владимир Кожанов дене пырля Параньга районыш миеныт. Район администрацийым вуйлатыше Альфит Ибраев ик чоҥымо площадке нерген каласкален. Тушто физкультура да тазалыкым пеҥгыдемдыме комплекс лийшаш. Объектым эше 2011-ше ийыштак чоҥаш тӱҥалме, но окса ситыдымылан кӧра 12-шо ийыште паша чыгынен шогалын. Пашам уэш тӱҥалме йодышым сенатор спорт-туризм министр Лидия Батюкова дене каҥашен.
                     Сергей Мартынов тыгак Элнет селаште верланыше Шнуй Юмынаван Покро храмышкыже миен. Кӱ гыч чоҥымо черке кызыт пеле шаланыше шога. Верысе калыкын кидше да шийвундыжо полшымо дене тушто олмыктымо пашам ыштыме. Тичмаш ачалаш окса кӱлеш. Сенаторын полышыж дене тудым Российысе тӱвыра министерстве гоч ик программыш пуртен кертме. Кодшо ийын 10 миллион теҥгем ойыраш пунчалме. Оксан икымше ужашыже толын да пужен ышташ ямдылалтмаш тӱҥалын. Шокшо толмеке, негызым кумдаҥдаш тӱҥалыт.
Фото: https://www.marpravda.ru/