«Тарханово» паркым тӱзаташ концепцийлан конкурсышто сеҥыше- влакым увертарыме

                  «Тарханово» паркым тӱзатыме концепцийлан конурсышто Йошкар-Оласе архитектор- влак сеҥышыш лектыныт. Теҥгече тӱнямбал конкурсын лектышыжым увертарыме. Тушко 184 йодмаш пурен ыле. Тӱҥ конкурс программыште 80 концепций участвоватлен. Тушечын финалышке индешыже лектын. Конкурсын лектышыже почеш куд премийым палемдыме. Икымше верлан вичшудӧ тӱжем, кокымшылан- 300, кумшылан 110 тӱжем теҥге. Тыгак почётан кум «ушештарымаш» 30 тӱжем теҥге дене. Икымше верыш консорциум лектын. Тушко Йошкар-Ола гыч «Альдебаран», Озаҥ гыч  «Зарф» архитектур бюро да Санкт-Петербург гыч «Архдвор» студий пурат. Кокымшо верыште Санкт-Петербург гыч архитектур студий, кумшышто- Уфа ола гыч автор коллектив. Проект- влакын савыктыме версийышт выставкыште ончыкталтеш. Тудо мер-политик рӱдерыште 20-шо апрель марте пашам ышта.

Прошлые выпуски