Чодыра озанлык технике дене пойдаралтеш

                    Республикыштына чодыра озанлыклан да чодыраште тулым йӧртымӧ техникым умбакыже наледат. «Экологий» калыкле проектын «Чодырам арален кодымаш» регионысо проектше кышкарыште республикыштына чодыра озанлыкыште кучылтмо да кожлаште тулым йӧртымӧ технике дене пойдарат.  Тачысе кечылан 12 миллион наре теҥгелан 4 контрактым пеҥгыдемдыме. Тымарте чодыра пашам шукташ кок «Беларус 82» тракторым кондымо. Лишыл жапыште тул дене кучедалме технике ден оборудований толшаш: тракторлан кум полуприцеп- цистерне, вӱдлан лу резервуар да КамАЗ автомобиль.