Руш кугу балерина Галина Уланова лӱмеш фестиваль «Лебединое озеро» балет дене мучашлалтын

                      Руш кугу балерина Галина Уланова лӱмеш фестиваль «Лебединое озеро» балет дене мучашлалтын. Фестиваль 9-ше гыч 18-ше апрель марте Эрик Сапаев лӱмеш опера да балет театрыште эртен. Фестиваль шке историйжым 2002-шо ий годсек шотла. Тиде гана тудо поснак кумдан эртен: российысе шӱдыр- влакым гына огыл, тӱнямбал кӱкшытан артист- влакымат авалтен. Палыме балет да театр продюсер, Российын сулло артистше Айдар Шайдуллин фестивальым сайлан шотлен да тудын продюсерже лийын, кызытсе жапысе балет артист- влакым ӱжын. Марий театрын сценыштыже Большой театрын, Мариинский, Михайловский, Станиславский ден Немирович-Данченко лӱмеш, Москосо музыкальный да Кремльысе балет театр- влакын шӱдырышт йолгеныт. Фестиваль «Лебединое озеро» балет дене мучашлалтын. Тудым Марий Элым вуйлатыше Александр Евстифееват аклен, артист- влаклан тауштен да кугешныме шомакым ойлен, у сеҥымаш- влакым тыланен.