«Талукын туныктышыжо» конкурсын очный йыжыҥже- влак тӱҥалыныт

                    Республике кӱкшытан профессионал мастарлык шотышто конкурсын очный йыжыҥже- влак тӱналыт. 20-шо гыч 23-шо апрель марте «Талукын туныктышыжо», Талукын воспитательже», «Марий йылмым эн сайын туныктышо» конкурс- влакын очный йыжыҥышт эртат. Нуно йӱла почеш 2020-шо ийыште «Талукын туныктышыжо» конкурсышто сеҥыше Советский посёлкысо кумшо номеран школышто физикым туныктышо Ольга Костюнинан  шочмо верыштыже лийыт. Тений конкурслаште муниципал йыжыҥлаште сеҥыше 39 педагогик пашаеҥ участвоватла: 15 туныктышо, 16 воспитатель, марий йылмым туныктышо 8 еҥ. Конкурсын тӱҥ площадкыже Советский посёлкысо 3-шо номеран школ лиеш, тыгак икымше номеран «Йомак» йоча садыште, Ӱшнур кыдалаш школышто таҥасат.
Фото: edu.mari.ru

Прошлые выпуски