Полиатлон дене Тӱнян чемпионатыштыже Мария Петухова сеҥышыш лектын
Полиатлон дене Тӱнян чемпионатыштыже юниор- влак коклаште четырёхборье дисциплиныште Мария Петухова сеҥышыш лектын. Тудо полиатлон дене Российын спорт мастерже, Марий университетын физкультура факультетыштыже тунемеш, Россий сборный командын еҥже улеш. Таҥасымаш Белоруссийысе Могилёв олаште лийын. Тӱнян чемпионатше гыч Мария сеҥымаш дене пӧртылын. Тушто Российын, Белоруссийын, Казахстанын, Украинын, Литван, Эстонийын, Молдовын спортсменышт таҥасеныт. Кугыжаныш- влак коклаште икымше верым Россий сеҥен налын, кокымшышто Белоруссий, кумшышыто Казахстан лийын.