Пенсийлан индексаций республикысе 166 тӱжем пенсионерым авалта
Пенсийлан индексаций республикысе 166 тӱжем пенсионерым авалта. Кумшо июнь гыч пашам ыштыдыме пенсионер- влак 10 процентлан кугемдыме пенсийым налаш тӱналыт. Тидын нерген правительствын заседанийыштыже Пенсий фондын марий пӧлкажым виктарыше Владимир Орехов ойлен. Тыге республикыште страховой пенсийын кокла кугытшо 17 тӱжем утларак лиеш. Тидыже кодшо ийысе тыгаяк жап дене таҥастарымаште тӱжемат 300 теҥгелашн шукырак. Юрий Зайцев тыгак пенсий фонд пӧлкам вуйлатыше деч «Икшван еш- влаклан тылзе еда оксам тӱлымӧ нерген» Россий Президентын Указшым шуктымо нерген йодын. Ореховын мутшо почеш, 8 гыч 17 ияш марте йоча- влаклан оксам тӱлаш йодмашым май тӱҥалтышыште налаш тӱҥалме. Тымарте 30 тӱжем йодмаш пурен. 61 процентшылан, парышышт шукырак улмылан кӧра, пуаш тореш лийме. Юрий Зайцев чыла йодышым контрольышто кучаш кӱштен.