Ныл районышто тазалыкаралтышын у объектшым чоҥат
Марий Элысе ныл районышто тазалыкаралтышын у объектшым чоҥаш тӱҥалыт. Нуным чоҥашлан проект да смета документацийым ямдылаш контрактым ыштыме да конкурент процедурым увертарыме. Тиде пашалан «Тазалыкаралтыш» калыкле проектын икымше звеножым уэмдыме программе кышкарыште 8 миллион утла теҥге окса ойыралтеш. Врач амбулаторий- влакым Медведево районысо Силикатный посёлкышто да Звенигово районысо Кокшайск селаште, у фельдшер-акушер пунктым Марий Турек районысо Тат-Китня ялыште да Юрино районышто поликлинике пӧлкам чоҥаш палемдыме. Тазалыкаралтыш министерствыште ушештарыме почеш, программым шыҥдараш вич ий жапыште кок миллиард утла теҥге оксам колтат. Нунын кокла гыч шым объектым чоҥаш 860 миллион наре теҥгем.