Йошкар-Олаште дерматоскопийым 713 еҥ эртен

              Йошкар-Олаште дерматоскопийым 713 еҥ эртен. Меланомым диагностироватлыме Тӱнямбал кече вашеш Республикысе коваште да венерологий диспансерын специалистше- влак калыкым шке шочмо палыштым тергаш ӱжыныт. Кум кече жапыште оласе Патриарший площадьыште шке коваштыжым 713 еҥ тергыктен. Нунын кокла гыч 40 еҥым рак чер лийын кертеш манын, онколог- влак деке келгынрак тергалташ колтымо. Тыгай уремыште эртарыме акций кумшо гана лийын. 2020-шо ийыште коронавирус пандемийлан кӧра тергымашым диспансерыште огыл, а тӱжвалне Патриарший площадьыште эртареныт ыле.
           Фото: Мария Емельянова, «Йошкар-Ола» газет.